Յանա Եգորյան. Եթե վտանգված են մարդկային կյանքեր, ապա ի՞նչ Օլիմպիական խաղերի մասին է խոսքը
13:11 24 մարտի, 2020Ռիո-2016-ի Օլիմպիական խաղերի կրկնակի չեմպիոն, թրամարտի Ռուսաստանի հավաքականի անդամ Յանա Եգորյանն իր կարծիքն է հայտնել 2020թ. ամառային Օլիմպիական խաղերը հետաձգելու վերաբերյալ:
«Ամեն օր հակասական տեղեկություններ են հայտնվում: Նախ, խոսվեց այն մասին, որ խաղերը չեն հետաձգի, հետո հայտարարվեց, որ կհետաձգվեն 45 օրով, իսկ հիմա էլ ասում են, թե խաղերը տեղի կունենան 1 տարի անց: Սա արդար մոտեցում չէ մարզիկների նկատմամբ, մենք անորոշության մեջ ենք:
Ես կցանկանայի, որ խաղերն անցկացվեն նախատեսված ժամանակին, սակայն եթե վտանգված են մարդկային կյանքեր, ապա ի՞նչ Օլիմպիական խաղերի մասին է խոսքը»,- Եգորյանի խոսքը փոխանցում է Комсомольская правда-ն:
Ավելի վաղ Միջազգային օլիմպիական կոմիտեի անդամ, Համաշխարհային հակադոպինգային գործակալության առաջին նախագահ, 78-ամյա Դիք Փաունդը հայտարարել էր, որ 2020թ․ Տոկիոյի Օլիմպիական խաղերը կհետաձգվեն:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.