Միջազգային օլիմպիական կոմիտեի անդամ, Համաշխարհային հակադոպինգային գործակալության առաջին նախագահ, 78-ամյա Դիք Փաունդը հայտնել է, որ 2020թ․ Տոկիոյի Օլիմպիական խաղերը կհետաձգվեն։
Ամենայն հավանականությամբ, Խաղերը կանցկացվեն 2021-ին։ Հետաձգման մանրամասները կքննարկվեն առաջիկա չորս շաբաթում։
«Հիմք ընդունելով ՄՕԿ-ում եղած տեղեկությունները, Խաղերի հետաձգման մասին որոշում արդեն կա։ Դետալները քննարկվում են, բայց Խաղերը հաստատ չեն մեկնարկի հուլիսի 24-ին։ Ես միայն այսքանը գիտեմ։
Ամեն ինչ տեղի կունենա փուլային։ Մենք կհետաձգենք Խաղերը եւ կսկսենք բանակցությունները նոր ժամկետի վերաբերյալ»,- Դիք Փաունդն ասել է USA Today-ին։
Կորոնավիրուսի պանդեմիայի պատճառով անժամկետ հետաձգվել են Տոկիոյի Օլիմպիական խաղերի բոլոր ընտրական եւ վարկանիշային մրցաշարերը։ Կանադայի, Ավստրալիայի եւ Նորվեգիայի Ազգային օլիմպիական կոմիտեներն արդեն հայտարարել են, որ կբոյկոտեն Խաղերը, եթե չհետաձգվեն։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։