9-ակի օլիմպիական չեմպիոն Լյուիսն առաջարկում է Տոկիո-2020-ի Խաղերն անցկացնել 2022-ին
00:11 23 մարտի, 2020Լեգենդար ամերիկացի արագավազորդ եւ հեռացատկորդ, 1984թ․ Լոս Անջելեսի, 1988թ․ Սեուլի, 1992թ․ Բարսելոնայի եւ 1996թ․ Ատլանտայի Օլիմպիական խաղերի 9-ակի չեմպիոն Կառլ Լյուիսը վստահ է, որ այս տարի մարզիկները չեն հասցնի պատրաստվել Տոկիոյի ամառային Օլիմպիական խաղերին։
«Մարզիկներն արդեն հետ են մնածել ծրագրից, չեն կարողանում պատրաստվել Խաղերին, չկան որակավորման կամ այլ մրցաշարեր։ Կարծում եմ՝ ճիշտ կլինի Տոկիոյի Խաղերն անցկացնել 2022-ին։ Կստացվի տոնական օլիմպիական տարի։ Ձմեռային Օլիմպիական խաղերը կանցկացվեն Պեկինում, ամառայինը՝ Տոկիոյում։ Երկու տարին շատ չէ։ Եւս երկու տարի անց Փարիզը կընդունի հաջորդ ամառային Խաղերը»,- Լյուիսի խոսքը մեջբերում է AFP-ն։
ՄՕԿ նախագահ Թոմաս Բախը հայտարարել է, որ Տոկիոյի Խաղերի հետաձգման կամ ժամանակին անցկացնելու մասին որոշում կլինի չորս շաբաթ հետո։
Օլիմպիական խաղերը նախատեսված են հուլիսի 24-ից օգոստոսի 8-ը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։