Կորոնավիրուսով առաջին վարակվածը Թաթարստանում աշխարհի լավագույն վոլեյբոլիստներից մեկն է
00:28 20 մարտի, 2020Կազանի «Զենիթի» ֆրանսիացի վոլեյբոլիստ Էրբին Նգապետը վարակվել է կորոնավիրուսով, հաղորդում business-gazeta.ru-ն։ Աշխարհի լավագույն վոլեյբոլիստներից մեկը կորոնավիրուսով առաջին վարակվածն է Թաթարստանում։
Ակումբից հայտնել են, որ Էրվին Նգապետը Ֆրանսիայից վերադառնալուց հետո թիմում որեւէ մեկի հետ շփում չի ունեցել եւ այժմ հոսպիտալացվել է, առնվազն երկու շաբաթ կլինի մեկուսացած եւ միայն բացասական թեստից հետո դուրս կգրվի։
Թաթարստանի նախագահի մամուլի քարտուղարը հայտնել է, որ մարզիկը լավ է զգում իրեն։
29-ամյա Էրվին Նգապետը Ֆրանսիայի հավաքականի հետ դարձել է Եվրոպայի չեմպիոն եւ Համաշխարհային լիգայի կրկնակի հաղթող։ Նա Կազանում է խաղում 2018 թվականից։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.