Դա անհեթեթություն է. ՈւԵՖԱ-ի նախագահը բացառել է ազգային առաջնություններում չեմպիոնների որոշումը
09:43 19 մարտի, 2020ՈւԵՖԱ-ի նախագահ Ալեքսանդր Չեֆերինը բացառել է, որ ազգային առաջնություններում կարող են չեմպիոններ հռչակվել, եթե չանցկացվեն մրցաշրջանի մնացած տուրերի հանդիպումները:
«Ես բացառում եմ, որ ազգային առաջնություններում կարող են չեմպիոն հռչակվել այն թիմերը, որոնք հիմա առաջին տեղում են: Դա անհեթեթություն է: Մենք պետք է հետևենք իրադարձությունների զարգացմանը:
Մեր նպատակը մրցաշրջանն ամենաուշը մայիսին վերսկսելն է: Եվրո-2020-ը 1 տարով հետաձգվել է, և դա մեզ հնարավորություն կտա ամռանն ավարտին հասցնել ազգային առաջնություններն ու եվրագավաթային մրցաշարերը»,- ՈւԵՖԱ-ի նախագահի խոսքը մեջբերում է Eurosport-ը:
Ավելի վաղ տարբեր մարզական պարբերականներ հայտնել էին, որ ՈւԵՖԱ-ն կարող է ազգային առաջնություններում չեմպիոններ հռչակել այն թիմերին, որոնք ներկա պահին զբաղեցնում են մրցաշարային աղյուսակի առաջատարի տեղը:
Հիշեցնենք, որ կորոնավիրուսի պանդեմիայի պատճառով Եվրոպայի բոլոր երկրներում անորոշ ժամանակով դադարեցվել են ֆուտբոլային առաջնությունները:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։