ՈւԵՖԱ-ն հաստատեց Եվրո-2020-ի հետաձգումը մեկ տարով
18:37 17 մարտի, 2020ՈւԵՖԱ-ն պաշտոնական կայքում հաստատեց, որ Եվրո-2020-ը կորոնավիրուսի պանդեմիայի պատճառով հետաձգվում է եւ կանցկացվի 2021թ․ հունիս-հուլիսին։
Նշվում է, որ առաջնահերթությունը տրվել է ազգային առաջնությունները եւ եվրագավաթային մրցաշարերը ավարտին հասցնելուն։
ՈւԵՖԱ նախագահ Ալեքսանդր Չեֆերինը շնորհակալություն է հայտնել կազմակերպության անդամ 55 երկրների ֆեդերացիաներին, լիգաներին, ակումբներին եւ խաղացողների կազմակերպություններին համագործակցության եւ ընդհանուր որոշման հասնելու համար։
ՈւԵՖԱ-ն նաեւ շնորհակալություն է հայտնել Հարավային Ամերիկայի ֆուտբոլային ֆեդերացիային 2020թ․ Ամերիկայի գավաթի խաղարկության եզրափակիչ մրցաշարը նույնպես մեկ տարով հետաձգելու համար։
ՈւԵՖԱ-ն նաեւ որոշել է մարտին եվրոպական ազգային հավաքականների մասնակցությամբ նախատեսված ընկերական հանդիպումներն անցկացնել հունիսին, եթե պանդեմիան դարձյալ արգելք չդառնա։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.