Լոնդոնում մարտի 14-ին մեկնարկած բռնցքամարտի օլիմպիական վարկանիշային մրցաշարը Միջազգային օլիմպիական կոմիտեի որոշմամբ՝ դադարեցվեց, հայտնում է ՄՕԿ-ի մամուլի ծառայությունը:
News.am Sport-ի թղթակցի հետ զրույցում մրցաշարը դադարեցնելու մասին տեղեկությունը հաստատեց բռնցքամարտի Հայաստանի հավաքականի գլխավոր մարզիչ Վահան Ադիլխանյանը:
«Մրցաշարը դադարեցնում են երրորդ օրով: Այսօր նախատեսված բոլոր մենամարտերը կանցկացվեն: Վաղվանից մենամարտերը կդադարեցվեն»,- ասաց Վահան Ադիլխանյանը:
Մրցումային երրորդ օրվա՝ մարտի 16-ին նախատեսված բոլոր մենամարտերը տեղի կունենան: Հետաձգված մրցաշարը կշարունակվի մայիսից ոչ շուտ և կմեկնարկի մրցումային չորրորդ օրը նախատեսված մենամարտերով:
Նշենք, որ մարտի 16-ին 75 կգ քաշային Արման Դարչինյանը հաղթանակով էր մեկնարկել վարկանիշային մրցաշարում, իսկ Անուշ Գրիգորյանը հավասար պայքարում պարտվել էր իտալացի մրցակցին:
Երեկոյան մրցահերթում ռինգ դուրս կգան 52 կգ քաշային Կորյուն Սողոմոնյանը, 57 կգ քաշային Արթուր Բազեյանը և 69 կգ քաշային Գուրգեն Մադոյանը: Հաղթելու դեպքում Կորյուն Սողոմոնյանն ու Արթուր Բազեյանը կապահովեն օլիմպիական ուղեգիրը:
Լուսինե Շահբազյան
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։