Լոնդոն. Արման Դարչինյանը նույնպես մեկնարկեց հաղթանակով

20:36   16 մարտի, 2020

Լոնդոնում ընթացող բռնցքամարտի օլիմպիական վարկանիշային մրցաշարում 75 կգ քաշային Արման Դարչինյանը նույնպես մեկնարկեց հաղթանակով, տեղեկացնում է Հայաստանի բռնցքամարտի ֆեդերացիայի մամուլի ծառայությունը:

Վանաձորցի մարզիկը մեկնարկային մենամարտում մրցեց իտալացի Սալվադորե Կավալարոի հետ: Հայ բռնցքամարտիկը գրագետ մենամարտ անցկացրեց ու գեղեցիկ հաղթանակ տոնելով դուրս եկավ հաջորդ փուլ:

Մարտի 16-ին ռինգ էր դուրս եկել նաև Անուշ Գրիգորյանը, որը հավասար պայքարում զիջել էր իտալացի մրցակցին:

Երեկոյան մրցահերթում ռինգ դուրս կգան 52 կգ քաշային Կորյուն Սողոմոնյանը, 57 կգ քաշային Արթուր Բազեյանը և 69 կգ քաշային Գուրգեն Մադոյանը: Հաղթելու դեպքում Կորյուն Սողոմոնյանն ու Արթուր Բազեյանը կապահովեն օլիմպիական ուղեգիրը:

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։