Իտալիայի ֆուտբոլի ֆեդերացիայի նախագահ. ՈւԵՖԱ-ին առաջարկել ենք հետաձգել Եվրո-2020-ը
03:13 16 մարտի, 2020Իտալիայի ֆուտբոլի ֆեդերացիայի ղեկավարությունը պաշտոնապես դիմել է ՈւԵՖԱ-ին՝ առաջարկելով հեռաձգել ամռանը տեղի ունենալիք Եվրոպայի առաջնությունը:
«Մենք առաջարկել ենք ՈւԵՖԱ-ին հետաձգել Եվրո-2020-ը: Եթե Եվրոպայի առաջնությունը հետաձգվի, ապա մենք հնարավորություն կունենանք ամռանն ավարտել դադարեցված ֆուտբոլային առաջնությունները:
Այս առաջարկով ՈւԵՖԱ-ին պետք է դիմեն նաև մյուս երկների ֆուտբոլային կառույցների ղեկավարները»,- Sport Mediaset-ի եթերում ասել է Իտալիայի ֆուտբոլի ֆեդերացիայի նախագահ Գաբրիելե Գրավինան:
Հիշեցնենք, որ կորոնավիրուսի պանդեմիայի պատճառով իտալական Ա Սերիան դադարեցվել է մարտի 9-ին: Դադարեցված են նաև եվրոպական բոլոր երկների առաջնությունները, նաև Չեմպիոնների լիգան ու Եվրոպայի լիգան:
ՈւԵՖԱ-ն Եվրոպայի առաջնության անցկացման ժամկետը փոփոխելու վերաբերյալ որոշում կընդունի մարտի 17-ին տեղի ունենալիք կազմակերպության ղեկավար կազմի արտահերթ նիստի ընթացքում:
Եվրո-2020-ը նախատեսված է անցկացնել հունիսի 12-ից հուլիսի 12-ը Եվրոպայի 12 քաղաքում: Մրցաշարի բացման արարողությունը նախատեսված է անցկացնել Հռոմի «Օլիմպիկո» ստադիոնում:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.