Բուքմեյքերները վստահ են, որ Եվրո-2020-ը կհետաձգվի

13:16   14 մարտի, 2020

Բուքմեյքերական ընկերությունները սկսել են խաղադրույքներ ընդունել կապված կորոնավիրուսի պանդեմիայի պատճառով ֆուտբոլի Եվրոպայի առաջնության հետաձգման հնարավորության հետ:

Եվրո-2020-ի հետաձգումը գնահատվել է 1.15 գործակցով: Առաջնությունը նախատեսված ժամանակին անցկացնելու գործակիցը կազմում է 4.50:

Հիշեցնենք, որ Եվրոպայի առաջնությունը նախատեսված է անցկացնել հունիսի 12-ից հուլիսի 12-ը Եվրոպայի 12 քաղաքում:

Սպասվում է, որ ՈւԵՖԱ-ն մարտի 17-ին տեղի ունենալիք կազմակերպության ղեկավար կազմի արտահերթ ժողովից հետո կհայտարարի Եվրո-2020-ը 1 տարով հետաձգելու մասին:

Առողջապահության համաշխարհային կազմակերպությունը մարտի 11-ին կորոնավիրուսը՝ COVID-19-ը հայտարարեց որպես համաշխարհային պանդեմիա: Աշխարհի 118 երկրում վիրուսով վարակված է ավելի քան 139 հազար մարդ: Զոհերի թիվը գերազանցել է 5 հազարը:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։