Անգլիայի եւ Ֆրանսիայի առաջնությունները եւս դադարեցվեցին

Անգլիական Պրեմյեր լիգան հայտարարեց առաջնությունը մինչեւ ապրիլի 4-ը դադարեցնելու մասին։ Պատճառը նոր կորոնավիրուսի պանդեմիան է։ Դադարեցվել են նաեւ մյուս դիվիզիոնների առաջնությունները։

«Արսենալում», «Չելսիում» եւ «Էվերտոնում» վարակվածների առկայության պատճառով հայտարարվել է կարանտին։

Ֆրանսիայում մարտի 13-ից անժամկետ արգելվել է որեւէ ֆուտբոլային անցկացում մինչեւ վերսկսման մասին որոշում ընդունելը։

ՈւԵՖԱ-ն եւս դադարեցրել է Չեմպիոնների լիգայի եւ Եվրոպայի լիգայի հանդիպումները։ Դադարեցված են նաեւ Իտալիայի եւ Իսպանիայի առաջնությունները։ Բունդեսլիգայի առաջիկա տուրի հանդիպումները կանցկացվեն առանց հանդիսականների։ Դրանից հետո առաջնությունը կդադարեցվի մինչեւ ապրիլի 2-ը։