Վանաձորի «Լոռին» հանդես է եկել հայտարարությամբ՝ հորդորելով ժամանակավորապես դադարացնել ֆուտբոլի Հայաստանի առաջնությունը նոր կորոնավիրուսի տարածման պատճառով։
«Ֆուտբոլային ընտանիքի հարգելի ներկայացուցիչներ, «Լոռի» ֆուտբոլային ակումբը իր մտահոգությունն է հայտնում կապված կորոնավիրուսի տարածման հետ։ Մեր ակումբի դիրքորոշման հիմքում առաջնայինը մարդու առողջությունն է և նրա անվտանգությունը։
Ստեղծված իրավիճակում «Լոռի» ՖԱ-ն հորդորում է ֆուտբոլային ընտանիքին կայացնել ճիշտ որոշում և ժամանակավորապես դադարեցնել ՀՀ առաջնության հանդիպումները, ինչպես դա արել են Աշխարհի գերակշռող երկրներում։
Հակառակ դեպքում մեր ակումբը կքննարկի բոլոր հնարավոր ռիսկերը և անվտանգության նկատառումներից ելնելով կկայացնի ինքնուրույն որոշում, մասնակցել առաջիկա տուրի խաղին, թե ոչ»,- նշվում է հայտարարությունում։
Հայաստանի առաջնության 18-րդ տուրի «Շիրակ» - «Լոռի» հանդիպումը նախատեսված է մարտի 14-ին։
Հայաստանի ֆուտբոլի ֆեդերացիան առաջնությունների դադարեցման հարցը պետք է քննարկի մարտի 13-ին։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։