Կորոնավիրուսի թեստ հանձնած Մբապեն ընդգրկվել է ՊՍԺ-ի հայտացուցակում «Բորուսիայի» դեմ խաղին

21:14   11 մարտի, 2020

Ֆրանսիայի չեմպիոն ՊՍԺ-ի ֆրանսիացի հարձակվող Կիլիան Մբապեն ընդրկվել է գերմանացի Թոմաս Տուխելի գլխավորած թիմի հայտացուցակում Չեմպիոնների լիգայի 1/8 եզրափակիչի պատասխան խաղին, հայտնում է ակումբի մամուլի ծառայությունը։ Փարիզյան թիմը կընդունի Դորտմունդի «Բորուսիային»։

Կիլիան Մբապեն առողջական խնդիրներ ուներ եւ անցել էր կորոնավիրուսի թեստ, սակայն որեւէ վարակ նրա մոտ չէր հայտնաբերվել։ Կոկորդային ցավերի պատճառով բուժզննում անցած Մբապեի մոտ նկատվել էր սրտի արյան շրջանառության որոշակի խախտում։

Թոմաս Տուխելը հայտարարել էր, որ Մբապեի մասնակցության վերաբերյալ որոշում կլինի հանդիպումից անմիջապես առաջ։

ՊՍԺ – «Բորուսիա» հանդիպումը տեղի կունենա մարտի 11-ին եւ կմեկնարկի Երեւանի ժամանակով կեսգիշերին։ Կորոնավիրուսի տարածման պատճառով հանդիպումը կանցկացվի առանց հանդիսականների։ Գերմանիայում տեղի ունեցած առաջին խաղում «Բորուսիան» հաղթել էր 2։1 հաշվով։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։