Ֆրանսիայի և Պորտուգալիայի առաջնությունները կանցկացվեն փակ դռների հետևում
22:02 10 մարտի, 2020Ֆուտբոլի Ֆրանսիայի և Պորտուգալիայի առաջնությունները կանցկացվեն առանց հանդիսականների, հայտնում են մրցաշարերի մամուլի ծառայությունները:
Կորոնավիրուսի տարածման հետ կապված մինչև ապրիլի 15-ը տեղի ունենալիք Ֆրանսիայի առաջնության հանդիպումները կանցկացվեն առանց հանդիսականների, իսկ Պորտուգալիայի առաջնության հանդիպումները փակ դռների հետևում կանցկացվեն անորոշ ժամանակով:
Ավելի վաղ հայտնի էր դարձել, որ Իտալիայի կառավարությունը կորոնավիրուսի տարածման հետ կապված դադարեցրել է Ա Սերիայի անցկացումը: Չեմպիոնների լիգայի և Եվրոպայի լիգայի հանդիպումների մեծ մասը ևս կանցկացվի առանց հանդիսականների:
Մի շարք երկրների ֆուտբոլային ֆեդերացիաներ դիմել են ՈւԵՖԱ-ին՝ խնդրելով հետաձգել Եվրո-2020-ի անցկացումը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։