Մի շարք ֆեդերացիաներ ՈւԵՖԱ-ին խնդրում են հետաձգել Եվրո-2020-ը

Մի շարք երկրների ֆուտբոլային ֆեդերացիաներ դիմել են ՈւԵՖԱ-ին՝ խնդրելով հետաձգել Եվրո-2020-ի անցկացումը, հաղորդում է իտալական Tuttosport-ը։

Պատճառը կորոնավիրուսի տարածումն է Եվրոպայում եւ ազգային առաջնությունների հանդիպումների հետաձգումը։ Իտալիայում մեկ ամսով դադարեցվել են մարզական միջոցառումները։

Հնարավոր տարբերակներից մեկն է Եվրո-2020-ի անցկացումը 2021 թվականին, սակայն ՈւԵՖԱ-ի ղեկավարությունն առայժմ չի ցանկանում գնալ այդպիսի քայլի։ Կազմակերպության նախագահ Ալեքսանդր Չեֆերինի դիրքորոշմամբ, առաջնությունը պետք է անցկացվի նախատեսված ժամկետում՝ հունիսի 12-ից հուլիսի 12-ը, 12 քաղաքներում։