Իսպանիայի առաջնության հանդիպումները փակ կլինեն երկրպագուների համար

Իսպանիայի ֆուտբոլային Պրիմերայի եւ Սեգունդայի հաջորդ երկու տուրերի բոլոր հանդիպումները կանցկացվեն առանց հանդիսականների, հաղորդում է Լա Լիգայի պաշտոնական կայքը։ Պատճառը նոր կորոնավիրուսի տարածումն է։ Հաջորդ երկու տուրերից հետո կընդունվի նոր որոշում։

Լիգաներն այժմ գնահատում են իրավիճակը եւ կձեռնարկեն անհրաժեշտ բոլոր միջոցառումները, որպեսզի կարողանան ավարտին հասցնել առաջնությունները առանց դադարների։

Իսպանիայում կորոնավիրուսով վարակվածների թիվն անցել է 1200-ից։

Հանդիսականների համար փակ կլինեն նաեւ Չեմպիոնների լիգայի 1/8 եզրափակիչի «Բարսելոնա» - «Նապոլի» եւ «Վալենսիա» - «Ատալանտա» հանդիպումները։

Հիշեցնենք, որ մարտի 9-ին Իտալիայի կառավարությունը որոշեց 1 ամսով դադարեցնել երկրում անցկացվող բոլոր մարզական միջոցառումները: