«Բարսելոնա» - «Նապոլի» հանդիպումը կարող է չեղարկվել

Չեմպիոնների լիգայի 1/8 եզրափակիչի «Բարսելոնա» - «Նապոլի» դիմակայության պատասխան հանդիպումը կարող է չեղարկվել, տեղեկացնում է Sport.es-ը:

Կորոնավիրուսի տարածման հետ կապված Իտալիայի կառավարությունը որոշում է ընդունել երկրում ընդլայնել կարանտինը՝ փակելով բոլոր սահմանները:

«Նապոլիի» ֆուտբոլիստները «Բարսելոնայի» դեմ խաղին մասնակցելու նպատակով հնարավորություն չեն ունենա մեկնել Կատալոնիա:

«Բարսելոնա» - «Նապոլի» հանդիպումը նախատեսված է անցկացնել մարտի 18-ին՝ Երևանի ժամանակով ուղիղ կեսգիշերին:

Հիշեցնենք, որ մարտի 9-ին Իտալիայի կառավարությունը որոշում ընդունեց մինչև ապրիլի 3-ը դադարեցնել երկրում ընթացող բոլոր մարզական մրցաշարերը: