Ձյուդոյի 2018 թվականի Եվրոպայի չեմպիոն Ֆերդինանդ Կարապետյանը կմասնակցի Ռուսաստանի Եկատերինբուրգ քաղաքում անցկացվելիք 2020թ․ Տոկիոյի Օլիմպիական խաղերի վարկանիշային մրցաշարի, հաղորդում է ՀԱՕԿ լրատվականը։ Մրցաշարը կմեկնարկի մարտի 13-ին։
Ձյուդոյի պատանեկան, երիտասարդական և մեծահասակների Հայաստանի հավաքականներն այժմ մարզումային հավաք են անցկացնում Օլիմպավանում։ Ֆերդինանդ Կարապետյանը Եկատերինբուրգի «Մեծ սաղավարտ» շարքի մրցաշարին կմասնակցի հավաքականի գլխավոր մարզիչ Հովհաննես Դավթյանի ղեկավարությամբ։
Հիշեցնենք, որ փետրվարի 23-24-ը Թել Ավիվում տեղի ունեղած Գրան պրի մրցաշարում Կարապետյանը նվաճեց արծաթե մեդալ՝ վնասվածքի պատճառով բաց թողնելով 73 կգ քաշայինների եզրափակիչ գոտեմարտը: Այդ մրցաշարում Կարապետյանը վաստակեց 500 վարկանիշային միավոր եւ պահպանում է օլիմպիական ուղեգիր նվաճելու հնարավորություն։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։