ՈւԵՖԱ-ի ղեկավարությունը որոշել է իտալացի մրցավարների ժամանակավորապես զրկել Չեմպիոնների լիգայի և Եվրոպայի լիգայի հանդիպումներ սպասարկելու իրավունքից, տեղեկացնում է Tuttomercato-ն:
Նման որոշմամբ ՈւԵՖԱ-ն ցանկանում է կանխել Չեմպիոնների լիգային և Եվրոպայի լիգային մասնակից թիմերի ֆուտբոլիստների մոտ կորոնավիրուսի տարածումը:
Ավելի վաղ կազմակերպության նախագահ Ալեքսանդր Չեֆերինը հայտարարել էր, որ Չեմպիոնների լիգայի ու Եվրոպայի լիգայի հանդիպումները չեն հետաձգվի, սակայն այն հանդիպումները, որոնց կմասնակցեն իտալական թիմեր, կանցկացվեն առանց հանդիսականի:
Նշենք, որ Իտալիայում և Ֆրանսիայում կորոնավիրուսի պատճառով հետաձգվել են այդ երկրներում անցկացվելիք մարզական միջոցառումների մեծ մասը:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։