Marca. Ռակիտիչը համաձայնության է եկել «Աթլետիկոյի» հետ
19:05 4 մարտի, 2020Կատալոնական «Բարսելոնայի» և Խորվաթիայի ազգային հավաքականի կիսապաշտպան Իվան Ռակիտիչը ամառային տրանսֆերային պատուհանի ընթացքում պայմանագիր կկնքի Մադրիդի «Աթլետիկոյի» հետ, տեղեկացնում է Marca-ն:
Աղբյուրի հաղորդմամբ՝ 31-ամյա կիսապաշտպանը փետրվարի 20-ին հանդիպում է ունեցել «Աթլետիկոյի» ներկայացուցիչների հետ և անձնական պայմանագրի կետերի վերաբերյալ համաձայնության եկել մադրիդյան թիմի հետ:
Ռակիտիչի ընտանիքն արդեն առանձնատուն է փնտրում Մադրիդի Բոադիլյե-դել-Մոնտե արվարձանում:
Ձմեռային տրանսֆերային պատուհանի ընթացքում Ռակիտիչի տեղափոխությամբ հետաքրքրված էր նաև Միլանի «Ինտերը», սակայն «Բարսելոնայի» այդ ժամանակ նորանշանակ գլխավոր մարզիչ Կիկե Սետիենը չցանկացավ հրաժարվել ֆուտբոլիստի ծառայություններից:
Հիշեցնենք, որ Իվան Ռակիտիչն իսպանական «Սևիլիայից» «Բարսելոնա» է տեղափոխվել 2014 թվականի ամռանը: Խորվաթ ֆուտբոլիստը «Բարսելոնայի» կազմում մասնակցել է 189 հանդիպման՝ դառնալով 24 գոլի հեղինակ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։