Հայաստանի ուշուիստները 8 մեդալ են նվաճել Մոսկվայում (ֆոտո)
14:10 1 մարտի, 2020Հայաստանի ավանդական ուշուի ֆեդերացիայի թիմը Ռուսաստանում մասնակցել է A կարգի «Մոսկվայի ուշուի աստղերի գավաթ» մրցաշարին եւ նվաճել 8 մեդալ։
18-ից բարձր տարիքային խմբում հաղթող են դարձել 52 կգ քաշային Արսեն Բաղրյանը, 75 կգ քաշային Արթուր Մալխասյանը, 80 կգ քաշային Դավիթ Կասումյանը։
Արծաթե մեդալներ են նվաճել 15-16 տարիքային խմբում հանդես եկած 48 կգ քաշային Դավիթ Իսախանյանը, 65 կգ քաշային Էրիկ Հովսեփյանը, 52 կգ քաշային Էդիկ Շամամյանը եւ 18-ից բարձր տարիքային խմբում 56 կգ քաշային Հայկ Գասպարյանը։
18-ից բարձր տարիքային խմբում բրոնզե մեդալ է նվաճել 65 կգ քաշային Վարդան Աբրամյանը։
Հայաստանի ուշուի ֆեդերացիայի պատվիրակության ղեկավար, ֆեդերացիայի նախագահ Ռուստամ Ալավերդյանը և փոխնախագահ Սպարտակ Ծատուրյանը Մոսկվայում հանդիպում եւ կառուցողական քննարկումներ են ունեցել Միջազգային և Եվրոպական ֆեդերացիայի փոխնախագահ Գլեբ Մուզռուկովի հետ, հայտնում են ֆեդերացիայից։ Գլեբ Մուզռուկովն իր աջակցությունն առաջարկեց ՀԱՈՒՖ-ի զարգացման հետ կապված հարցերում։
Քննարկումներ են եղել նաեւ Եվրոպական ֆեդերացիայի մրցավարական խորհրդի նախագահ Ալեկսանդր Ռադունցևի հետ՝ մոտ ապագայում Հայաստանում մրցավարական սեմինարներ և որակավորման քննություններ անցկացնելու հարցով։
«Զվարթնոց» օդանավակայանում Հայաստանի ավանդական ուշուի ֆեդերացիայի թիմին դիմավորել են մեծ շուքով։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.