ՉԼ. 1/8 եզրափակիչի առաջին խաղերի լավագույն գոլը
14:12 29 փետրվարի, 2020ՈւԵՖԱ-ն հրապարակել է Չեմպիոնների լիգայի 1/8 եզրափակիչի առաջին հանդիպումների լավագույն գոլի հեղինակին:
Առաջին խաղերի լավագույն գոլ է ճանաչվել Դորտմունդի «Բորուսիայի» նորվեգացի հարձակվող Էրլինգ Հոլանդի գոլը ֆրանսիական ՊՍԺ-ի դեմ խաղում:
Երկրորդ տեղում «Ատալանտայի» շվեյցարացի կիսապաշտպան Ռեմո Ֆրեուլերի գոլն է իսպանական «Վալենսիայի» դեմ խաղում: Երրորդ լավագույն գոլ է ճանաչվել «Նապոլիի» բելգիացի հարձակվող Դրիս Մերտենսի գոլը կատալոնական «Բարսելոնայի» դեմ խաղում, իսկ չորրորդ լավագույն գոլի հեղինակը «Ատալանտայի» սլովենացի կիսապաշտպան Յոսիպ Իլիշիչն է:
Նշենք, որ «Բորուսիան» հաղթանակ էր տարել ՊՍԺ-ի նկատմամբ 2:1 հաշվով, «Ատալանտան» 4:1 հաշվով հաղթել էր «Վալենսիային», իսկ «Նապոլի» - «Բարսելոնա» հանդիպումն ավարտվել է 1:1 հաշվով:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։