Խառը մենամարտերի 2 քաշային կարգում նախկին չեմպիոն իռլանդացի Քոնոր Մաքգրեգորը պատմել է՝ ինչով է մտադիր զբաղվել պրոֆեսիոնալ սպորտը թողնելուց հետո:
«Կոպիտ է հնչում, սակայն բոլորը թքած ունեն՝ ինչ տեղի կունենա մարզիկի հետ նրա կարիերայի ավարտից հետո: Սա վերաբերում է ոչ միայն մենամարտերին, այլ նաև սպորտի մյուս տեսակներին:
Ես հաջողությունների չէի հասնում սպորտում, եթե չսիրեի իմ աշխատանքը: Բացի սպորտից ես սիրում եմ նաև նորաձևությունն ու վիսկին: Կարծում եմ՝ հենց դրանցով էլ կզբաղվեմ ապագայում»,- 31-ամյա մարզիկի խոսքը փոխանցում է Essentialy Sports-ը:
Հիշեցնենք, որ Մաքգրեգորը հունվարի 18-ին տեղի ունեցած մենամարտում 40 վայրկյանում հաղթանակ էր տարել ամերիկացի Դոնալդ Սերոնեի նկատմամբ:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։