Իտալական «Միլանի» շվեդ հարձակվող Զլատան Իբրահիմովիչը պատրաստ է ակումբի ղեկավարության հետ քննարկել նոր պայմանագիր կնքելու հնարավորությունը, տեղեկացնում է La Gazzetta dello Sport-ը:
Իբրահիմովիչը նոր պայմանագիր կկնքի «Միլանի» հետ, եթե ակումբն ամառային տրանսֆերային պատուհանի ընթացքում ուժեղացնի թիմի կազմը, որպեսզի հաջորդ մրցաշրջանում պայքարի չեմպիոնության համար:
Ավելի վաղ հայտնի էր դարձել, որ «Միլանի» ղեկավարությունը պատրաստվում է նոր պայմանագիր առաջարկել 38-ամյա հարձակվողին:
Հիշեցնենք, որ Զլատան Իբրահիմովիչը «Միլան» է տեղափոխվել ձմեռային տրանսֆերային պատուհանի ընթացքում:
Իտալիայի ընթացիկ առաջնությունում շվեդ հարձակվողը մասնակցել է 7 հանդիպման՝ դառնալով 2 գոլի ու 1 գոլային փոխանցման հեղինակ:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։