Մարիա Շարապովան հայտարարել է կարիերան ավարտելու մասին
18:07 26 փետրվարի, 2020«Մեծ սաղավարտի» մրցաշարերի հնգակի չեմպիոն, 32-ամյա ռուսաստանցի թենիսիստուհի Մարիա Շարապովան հայտարարել է մարզական կարիերան ավարտելու մասին:
«Ինչպե՞ս կարող եմ թողնել այն խաղը, որը սիրում եմ: Խաղ, որը հույզեր և երջանկություն է պարգևել: Սպորտ, որտեղ գտել եմ ընտանիք և հրաշալի երկրպագուներ, որոնք երկրպագել են ինձ ավելի քան 28 տարի:
Կներեք ինձ: Թենիս, հաջողություն»,- Շարապովայի խոսքը մեջբերում է Vanity Fair-ը:
Մարիա Շարապովան իր կարիերայի ընթացքում 39 անգամ (36-ը՝ մենախաղում) դարձել է WTA մրցաշարերի հաղթող: Շարապովան 2008 թվականին դարձել է Ֆեդերացիայի գավաթի հաղթող, իսկ 2012 թվականի ամառային Օլիմպիական խաղերում՝ թենիսի կանանց մենախաղի փոխչեմպիոն:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։