Լոնդոնի «Չելսիի» անգլիացի գլխավոր մարզիչ Ֆրենկ Լեմպարդը մեկնաբանել է Չեմպիոնների լիգայի 1/8 եզրափակիչի առաջին խաղում Գերմանիայի չեմպիոն Մյունխենի «Բավարիայից» կրած 0։3 հաշվով պարտությունը։
«Մենք շատ վատ խաղացինք։ Երբեմն պետք է առավելագույն ազնիվ լինել։ «Բավարիան» ամեն ինչում ուժեղ էր մեզնից։ Այսպիսի պարտությունը լավ սթափեցնում է։
Հենց այսպիսի բարձր խաղամակարդակի շնորհիվ է «Բավարիան» ամեն տարի պայքարում Գերմանիայի չեմպիոնի տիտղոսի եւ Չեմպիոնների լիգայի գավաթի համար։ Մենք պետք է ընդունենք այս պարտությունը եւ շարունակենք աշխատանքը։
Մեր խաղացողները պետք է մտածեն խաղադաշտում «Բավարիայի» որոշումների մասին։ Այդպես նրանք կտեսնեն այն մակարդակը, որին պետք է ձգտել։ Հիմա պետք է փորձել արագ վերականգնվել եւ պատրաստ լինել Անգլիայի առաջնության հաջորդ խաղին»,- Լեմպարդի խոսքը մեջբերում է ВВС-ն։
«Բավարիա» - «Չելսի» պատասխան խաղը Գերմանիայում տեղի կունենա մարտի 18-ին։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։