ՉԼ․ Մեսին հանդիպումների քանակով 5-րդ տեղում հավասարվեց Ռայան Գիգզին

Իսպանիայի չեմպիոն «Բարսելոնայի» հարձակվող Լիոնել Մեսին, մասնակցելով իտալական «Նապոլիի» դեմ Չեմպիոնների լիգայի 1/8 եզրափակիչի առաջին խաղին (1։1), այս մրցաշարում անցկացրած հանդիպումների քանակով 5-րդ տեղում հավասարվեց անգլիական «Մանչեսթեր Յունայթեդի» նախկին խաղացող Ռայան Գիգզին՝ 141 հանդիպում։

32-ամյա արգենտինացի ֆուտբոլիստը Չեմպիոնների լիգայում հանդիպումների քանակով հետ է «Ռեալի» եւ «Պորտուի» նախկին դարպասապահ, իսպանացի Իկեր Կասիլյասից (177 խաղ), Թուրինի «Յուվենտուսի» պորտուգալացի հարձակվող Կրիշտիանու Ռոնալդուից (168), «Բարսելոնայի» նախկին կիսապաշտպան, իսպանացի Չավիից (151) եւ Մադրիդի «Ռեալի» նախկին հարձակվող, իսպանացի Ռաուլից (142)։