ՈւԵՖԱ-ն կարող է չեղարկել Եվրո-2020-ի անցկացումը

23:35   25 փետրվարի, 2020

ՈւԵՖԱ-ի փոխնախագահ Միշել Ուվան չի բացառել, որ Չինաստանից տարածված կորոնավիրուսի պատճառով ամռանը տեղի ունենալիք ֆուտբոլի Եվրոպայի առաջնությունը կարող է չեղարկվել կամ հետաձգվել:

«Մենք ամենայն ուշադրությամբ հետևում ենք իրադարձությունների զարգացմանը և մշտական կապի մեջ ենք առողջապահական միջազգային կառույցների հետ:

Մենք չենք ցանկանում, որ Եվրոպայի առաջնությունը նախատեսված ժամկետում տեղի չունենա, սակայն չենք կարող վտանգել նաև մարդկանց առողջությունը»,- Ուվայի խոսքը փոխանցում է Rai Radio 1 Sport-ը:

Տեղեկացնենք, որ Եվրո-2020-ը նախատեսված է անցկացնել հունիսի 12-ից հուլիսի 12-ը:

Ավելի վաղ հայտնի էր դարձել, որ կորոնավիրուսի պատճառով Իտալիայում տեղի ունենալիք ֆուտբոլային հանդիպումները կանցկացվեն առանց հանդիսականի:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։