«Լիվերպուլը» կարող է 30 միլիոն եվրոյով ձեռք բերել Վերներին
16:12 25 փետրվարի, 2020Անգլիական «Լիվերպուլը» շարունակում է հետեւել գերմանական «ՌԲ Լայպցիգի» հարձակվող Տիմո Վերների խաղին եւ կփորձի ձեռք բերել նրա տրանսֆերը ամռանը։
Գերմանացի Յուրգեն Կլոպի գլխավորած թիմը 23-ամյա գերմանացի ֆուտբոլիստին կարող է ձեռք բերել 30 միլիոն եվրոյով։ Այդ գումարն է սահմանված ֆուտբոլիստի պայմանագրում, որը նախատեսված է մինչեւ 2023թ․ հունիս։
Ընթացիկ մրցաշրջանում Վերները «ՌԲ Լայպցիգի» հետ անցկացրել է 33 հանդիպում, խփել 27 գոլ, կատարել 11 գոլային փոխանցում։
Գերմանիայի հավաքականի ֆուտբոլիստն ավելի վաղ նշել էր, որ դեմ չէր լինի կարիերան շարունակել «Լիվերպուլում»՝ հաշվի առնելով Յուրգեն Կլոպի հետ աշխատելու ցանկությունը։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։