Գերմանիայի չեմպիոն Մյունխենի «Բավարիան» մտադիր է ամռանը փոխել գլխավոր մարզիչին։ Այժմ թիմը գլխավորում է գերմանացի Հանս-Դիտեր Ֆլիկը, որը աշնանը հեռացված խորվաթ Նիկո Կովաչի շտաբում երկրորդ մարզիչն էր։
Գերմանական սուպերակումբը գլխավոր մարզիչի հիմնական թեկնածուների շարքում առաջինը համարում է Մադրիդի «Աթլետիկոյի» 49-ամյա արգենտինացի գլխավոր մարզիչ Դիեգո Սիմեոնեին, որն իսպանական թիմը ղեկավարում է 2011 թվականից։ «Բավարիայի» ղեկավարությունը հույս ունի երկարաժամկետ համագործակցության պայմանագիր կնքել նրա հետ, հաղորդում է Don Balon-ը։
Սիմեոնեի ղեկավարությամբ «Աթլետիկոն» դարձել է Իսպանիայի չեմպիոն, գավաթակիր, Եվրոպայի լիգայի գավաթակիր, Եվրոպայի սուպերգավաթակիր, երկու անգամ հասել է Չեմպիոնների լիգայի եզրափակիչ։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։