Իտալիայի վարչապետ Ջուզեպե Կոնտեն հայտարարել է Լոմբարդիա եւ Վենետո մարզերում մարզական միջոցառումների ժամանակավոր արգելքի մասին, հաղորդում է Football Italia-ն։ Պատճառը կորոնավիրուսի բազմաթիվ դեպքերն են։
ՏԵղափոխված միջոցառումներից են նաեւ Իտալիայի առաջնության 25-րդ տուրի երեք հանդիպում՝ «Վերոնա» - «Կալյարի», «Ատալանտա» - «Սասուոլո», «Ինտեր» - «Սամպդորիա»։ Այս հանդիպումները նախատեսված էին փետրվարի 23-ին։
Սիրողական եւ երիտասարդական լիգաներում չեղարկվել է 42 հանդիպում։ Բ Սերիայում տեղի չի ունենա «Ասկոլի» - «Կրեմոնեզե» խաղը։
Հիշեցնենք, որ Իտալիայի առաջնության առաջատարը չեմպիոն «Յուվենտուսն» է, որը 25 խաղում վաստակել է 60 միավոր։ Եռյակում են նաեւ «Լացիոն» (56) ու «Ինտերը» (54), որոնք մեկական հանդիպում քիչ են անցկացրել։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։