«Միլանը» բաց թողեց հաղթանակը (տեսանյութ)

Իտալիայի առաջնության 25-րդ տուրում «Միլանը» Ֆլորենցիայում մրցեց «Ֆիորենտինայի» հետ։ Գրանցվեց ոչ ոքի՝ 1։1։

56-րդ րոպեին աչքի ընկավ հյուրերի խորվաթ հարձակվող Անտե Ռեբիչը։

62-րդ րոպեին շվեդ հարձակվող Զլատան Իբրահիմովիչի նկատմամբ վերջին հույսի խախտման համար հեռացվեց «Ֆիորենտինայի» բրազիլացի պաշտպան Դալբերտը։

84-րդ րոպեին չիլիացի կիսապաշտպան Էրիկ Պուլգարը հստակ իրացրեց 11 մետրանոցը՝ «Ֆիորենտինային» փրկելով պարտությունից։

«Միլանը» 36 միավորով 7-րդ տեղում է, «Ֆիորենտինան» 13-րդն է՝ 29 միավոր։

Իտալիայի առաջնություն, 25-րդ տուր

«Ֆիորենտինա» - «Միլան»՝ 1։1 (տեսանյութ)

Էրիկ Պուլգար, 84 - Անտե Ռեբիչ, 56

Հեռացում՝ Դալբերտ («Ֆիորենտինա»), 62