Սետիեն․ Մեսին այսպես է խաղում 14-15 տարի, նա լավագույնն է աշխարհում
10:22 23 փետրվարի, 2020«Բարսելոնայի» իսպանացի գլխավոր մարզիչ Էնրիկե Սետիենն ամփոփել է «Էյբարի» հետ հանդիպումը Իսպանիայի առաջնության 25-րդ տուրում։ Կատալոնական թիմը հաղթել էր 5։0 հաշվով, արգենտինացի հարձակվող Լիոնել Մեսին դարձել էր չորս գոլի հեղինակ։
«Ամեն ինչ ստացվեց այս խաղում։ Նախորդ հանդիպումներում չէր ստացվում իրացնել բոլոր պահերը, թեեւ ամեն ինչ ճիշտ էինք անում։
Մեսին չորս գոլ խփեց, նա այսպես է խաղում 14-15 տարի եւ կշարունակի նույն ոգով։ Նրա ներկայությունը զգալի առավելություն է տալիս։ Եթե գոլ էլ չի խփում, կատարում է գոլային փոխանցում։ Այս պատճառով է նա լավագույնն աշխարհում։ Մեսին անում է այն, ինչ մյուսները չեն կարող։
Բրեյթուայթը շատ լավ խաղաց։ Կարծում եմ՝ հրաշալի տրանսֆեր է մեր թիմի համար։
Թիմը լավ հոգեբանական վիճակում է, խաղացողները հոգնածություն չունեն»,- Սետիենի խոսքը մեջբերում է AS-ը։
Մեսին պոկերների քանակով «Բարսելոնայի» ռեկորդակիրն է։ Նա Իսպանիայի առաջնություններում ձեւակերպեց 5-րդ պոկերը եւ այդ ցուցանիշով գերազանցեց ակումբի նախկին հարձակվող Սեսար Ռոդրիգեսին (4 պոկեր)։
Լա Լիգայի պատմության մեջ պոկերների քանակով Մեսիին գերազանցում են «Աթլետիկի» նախկին հարձակվող Տելմո Սարան (8) եւ «Ռեալի» նախկին հարձակվող Կրիշտիանու Ռոնալդուն (7)։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։