«Բարսելոնայի» երկրպագուները «Կամպ Նոու» ստադիոնում բողոքի ակցիա կիրականացնեն (ֆոտո)
16:00 22 փետրվարի, 2020Կատալոնական «Բարսելոնայի» երկրպագուներն Իսպանիայի առաջնության 25-րդ տուրի «Էյբարի» դեմ խաղում բողոքի ակցիա կիրականացնեն «Կամպ Նոու» ստադիոնում:
«Բարսելոնայի» հազարավոր երկրպագուներ «Էյբարի» դեմ հանդիպման ընթացքում սպիտակ թաշկինակներ կթափահարեն՝ պահանջելով ակումբի նախագահ Խոսեպ Մարիա Բարտոմեուի և նրա թիմի հրաժարականը:
Ավելի վաղ տեղեկացրել ենք, որ փետրվարի 21-ին «Բարսելոնայի» տնօրենների խորհուրդն ակումբի ղեկավարության արտահերթ ժողովում բարձրացրել է Խոսեպ Բարտոմեուին պաշտոնանկ անելու և ամռանն արտահերթ նախագահական ընտրություն անցկացնելու հարցը:
Տնօրենների խորհրդի անդամների՝ Բարտոմեուին անվստահություն հայտնելու պատճառ է դարձել թիմի ներկա և նախկին ֆուտբոլիստներ Լիոնել Մեսիի, Ժերար Պիկեի, Չավի Էրնանդեսի, Կառլես Պույոլի դեմ Բարտոմեուի և նրա թիմակիցների կազմակերպած տեղեկատվական արշավը:
Ավելի վաղ Խոսեպ Բարտոմեուն հերքել էր «Բարսելոնայի» լեգենդների դեմ տեղեկատվական հարձակում կազմակերպելու վերաբերյալ մեղադրանքը և տեղի ունեցածը թյուրիմացություն անվանել:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։