Հուզվում ես, երբ տեսնում ես քո արած աշխատանքը, արդյունքները զուր չի, գնահատվում է: Այսպիսի վերաբերմուքնը պարտավորեցնող է օլիմպիական տարում:
Այս մասին լրագրողների հետ զրույցում նախագահական նստավայրում պարգեւատրվելուց հետո ասաց ծանրամարտի օլիմպիական փոխչեմպիոն, աշխարհի եւ Եվրոպայի փոխչեմպիոն Գոռ Մինասյանը:
«Նման միոցառումները շատ կարեւոր են, ոգեւորում են մեզ: Հուզվում, ոգեւորվում ես, որ քո արած աշխատանքը, արդյունքները զուր չի: Պարտավորեցնում է, որ օլիմպիական տարում ձգտենք մեծ արդյունքների:
Առջեւում Եվրոպայի առաջնությունն է, որը մեր վերջին վարկանիշային մրցաշարն է: Մայիսին արդեն կիմանանք մեր վարկանիշներն ու թե քանի ուղեգիր ունենք:
Մարտական թիմով գնում ենք Եվրոպայի առաջնության: Յուրաքանչյուր մարզիկի գերնպատակը օլիմպիական ոսկե մեդալն է ու մենք թիմով ամեն ինչ անում ենք, որ այդ մեդալը Տոկիոյում նվաճենք»,- ասաց Գոռ Մինասյանը:
Լուսինե Շահբազյան
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։