Անգլիական «Վուլվերհեմփթոնի» իսպանացի հարձակվող Ադամա Տրաորեն պատրաստ է ամառային տրանսֆերային պատուհանի ընթացքում պայմանագիր կնքել Մադրիդի «Ռեալի» հետ, հայտնում է The Sun-ը:
Տրաորեի ներկայացուցիչները հայտնել են Արքայական ակումբի ղեկավարությանը, որ 24-ամյա ֆուտբոլիստին չի մտահոգում նախկինում կատալոնական «Բարսելոնայում» խաղալու հանգամանքը:
Ավելի վաղ անձամբ Ադամա Տրաորեն հայտարարել էր, որ անմիջապես կհամաձայնվի տեղափոխվել «Ռեալ», եթե առաջարկություն ստանա իսպանական թիմից:
Ընթացիկ մրցաշրջանում Տրաորեն «Վուլվերհեմփթոնի» կազմում մասնակցել է 35 հանդիպման՝ դառնալով 5 գոլի ու 7 գոլային փոխանցման հեղինակ:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։