«Ալաշկերտը» հաղթանակ է տարել ստուգողական խաղում, «Շիրակը» ոչ ոքի է խաղացել, «Փյունիկը» պարտվել է

22:28   19 փետրվարի, 2020

Ֆուտբոլի Հայաստանի առաջնության երկրորդ խաղաշրջանի մեկնարկից առաջ հայկական ակումբները վերջին ստուգողական հանդիպումներն են անցկացրել:

Երևանի «Ալաշկերտը» Թուրքիայի Բելեկ քաղաքում 3:1 հաշվով հաղթանակ է տարել չինական «Գրինթաունի» նկատմամբ: «Ալաշկերտի» կազմից գոլերի հեղինակ են դարձել Ալեքսանդր Գլիշիչը, Ալեքսանդր Միլկովիչը և թիմում փորձաշրջան անցնող ֆուտբոլիստներից մեկը:

Գյումրիի «Շիրակը» Անթալիայում 1:1 հաշվով ոչ ոքի է խաղացել «Նիժնիյ Նովգորոդի» հետ: Հայկական թիմի միակ գոլը խփել է Մորի Կոնեն:

Հայաստանի փոխչեմպիոն «Փյունիկը» Բելեկում 0:2 հաշվով պարտվել է լատվիական «Սպարտակ Յուրմալային»:

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։