Ֆանատներն ավերել են Եգիպտոսի ֆուտբոլի ֆեդերացիայի շտաբ բնակարանը
09:30 6 սեպտեմբերի, 2012Ֆանատները ավերել են Կահիրեում գտնվող Եգիպտոսի ֆուտբոլային ասոցիացիայի շտաբ բնակարանը։ Այդ կերպ երկրպագուներն իրենց դժգոհությունն են հայտնել երկրի ֆուտբոլի առաջնությունը շարունակելու որոշման վերաբերյալ, հաղորդում է Sport24.fr-ը։
Հիշեցնենք, որ Պորտ Սաիդում տեղի ունեցած բախումների մեղավորները մինչեւ օրս չեն կանգնել դատարանի առջեւ։
Սեպտեմբերի 5-ին «Ալ Ախլի» ակումբի հարյուրավոր երկրպագուներ ներխուժել են Եգիպտոսի ֆուտբոլային ասոցիացիայի շտաբ բնակարան։ Ֆանատներն ավերել են բնակարանը՝ իրենց հետ տանելով բազմաթիվ գավաթներ։ Փողոցում նրանք սկսել են տարբեր առարկաներով հարվածել ֆուտբոլային ասոցիացիայի ներկայացուցիչներին պատկանող ավտոմեքենաներին։
Պորտ Սաիդում տեղի ունեցած բախումների գործով մեղադրվում են 75 եգիպտոսցիներ, այդ թվում՝ ոստիկանության յոթ աշխատակիցներ։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.