Դորտմունդի «Բորուսիայի» հարձակվող Էրլինգ Հոլանդը Չեմպիոնների լիգայի 1/8 եզրափակիչի առաջին խաղում ֆրանսիական ՊՍԺ-ին երկու գոլ խփելու շնորհիվ այս մրցաշարում գոլերի քանակը հասցրեց 10-ին։ 19-ամյա նորվեգացի ֆուտբոլիստը Չեմպիոնների լիգայի մեկ մրցաշրջանում 10 գոլ խփած մինչեւ 20 տարեկան առաջին ֆուտբոլիստն է։ Խմբային մրցաշարի 6 հանդիպումներում Հոլանդն ավստրիական «ՏԲ Զալցբուրգի» կազմում խփել էր 8 գոլ։
Հիշեցնենք, որ «Բորուսիան» ՊՍԺ-ին հաղթել է 2։1 հաշվով։ Հոլանդը ճանաչվել է հանդիպման լավագույն խաղացող։
Հոլանդին 3 գոլ է մնում մինչեւ 21-ամյա Կիլիան Մբապեի նվաճումը։ Ֆրանսիացի հարձակվողը Չեմպիոնների լիգայում մինչեւ 20 տարեկան դարձել էր 13 գոլի հեղինակ։ Հոլանդի 20-ամյա հուլիսի 21-ին է։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։