Մադրիդի «Ռեալի» նորեկ, բրազիլացի կիսապաշտպան Ժեզուս Ռեյնիերը խոսել է Արքայական ակումբ տեղափոխության մասին:
«Սա շատ երջանիկ օր է ինձ համար: Այսօր իրականացավ իմ մանկության երազանքը: Ես խաղալու եմ աշխարհի լավագույն ակումբում:
Ցանկանում եմ դառնալ «Ռեալի» պատմության մի մասը: Ամեն ինչ կանեմ, որպեսզի օգնեմ «Ռեալին» հաղթանակներ տանել»,- Ռեյնիերի խոսքը փոխանցում է «Ռեալի» մամուլի ծառայությունը:
«Ռեալը» Ժեզուս Ռեյնիերի տեղափոխության դիմաց բրազիլական «Ֆլամենգոյին» վճարել է 30 միլիոն եվրո:
Բրազիլիայի ընթացիկ առաջնությունում Ռեյնիերը «Ֆլամենգոյի» կազմում 15 խաղում դարձել է 6 գոլի և 2 գոլային փոխանցման հեղինակ:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։