Ռայոլա. Սուլշերն ամեն ինչ սխալ է հասկանում

22:14   18 փետրվարի, 2020

Անգլիական «Մանչեսթեր Յունայթեդի» և Ֆրանսիայի ազգային հավաքականի կիսապաշտպան Պոլ Պոգբայի գործակալ Մինո Ռայոլան պատասխանել է մանչեսթերյան ակումբի գլխավոր մարզիչ Ուլե-Գունար Սուլշերին:

«Սուլշերն ամեն ինչ սխալ է հասկանում: Լրագրողներն ինձ հարցրել են Պոգբայի ապագայի մասին, իսկ ես պատասխանել եմ, որ նա կենտրոնացած է «Մանչեսթեր Յունայթեդի» վրա: Հարցին, թե նա սիրում է Իտալիան, ես դրական պատասխան եմ տվել, իսկ Սուլշերը կարծում է, թե ես Պոլի ծառայություններն եմ առաջարկել այլ թիմերի»,- Ռայոլայի խոսքը փոխանցում է TalkSport-ը:

Հիշեցնենք, որ «Մանչեսթեր Յունայթեդի» գլխավոր մարզիչ Ուլե-Գունար Սուլշերը հայտարարել էր, որ Պոգբան ոչ թե Ռայոլայի, այլ «Մանչեսթեր Յունայթեդի» ֆուտբոլիստն է:

Ավելի վաղ Պոլ Պոգբայի եղբայրը՝ Մաթիաս Պոգբան, հայտարարել էր եղբոր՝ «Մանչեսթեր Յունայթեդից» հեռանալու ցանկության մասին:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։