Արթուր Ալեքսանյանն ու Կարապետ Չալյանը կպատրաստվեն Տոկիո-2020-ին

Ամառային Օլիմպիական խաղերում հունահռոմեական ոճի ըմբշամարտի Հայաստանի ներկայացուցիչները կլինեն Արթուլ Ալեքսանյանն (97 կգ) ու Կարապետ Չալյանը (77 կգ), տեղեկացնում է Հայաստանի ըմբշամարտի ֆեդերացիայի մամուլի ծառայությունը:

«Ինչպես հայտնի է, Հայաստանի հունահռոմեական ոճի ըմբշամարտի ընտրանին այս պահին ունի Տոկիո-2020-ի 2 ուղեգիր։

Մարզչական խորհրդի որոշմամբ ամառային 32-րդ Օլիմպիական խաղերին կնախապատրաստվեն 77 կգ քաշային Կարապետ Չալյանը, իսկ 97կգ քաշային կարգում՝ Արթուր Ալեքսանյանը»,- ասված է ՀԸՖ-ի տարածած հայտարարության մեջ:

Հիշեցնենք, որ Իտալիայի մայրաքաղաք Հռոմում ավարտված Եվրոպայի առաջնությունում Արթուր Ալեքսանյանը դարձավ չեմպիոն, իսկ Կարապետ Չալյանը նվաճեց բրոնզե մեդալ: