«Բարսելոնայի» նախկին նախագահ Ժոան Լապորտան կատալոնական ակումբի ղեկավարությանը հորդորել է հրաժարական ներկայացնել I3 Ventures ընկերության ծառայություններից օգտվելու համար։
Ակումբը մոտ 1 միլիոն եվրո է վճարել սոցիալական ցանցերում գովազդային արշավներ կազմակերպող ընկերությանը նախագահ Ժոզեպ Բարտոմեուին գովազդելու եւ Լիոնել Մեսիի ու Ժերար Պիկեի հասցեին ծաղրական ու քննադատական հրապարակումների համար, հաղորդում է Sport.es-ը։
«Ակումբի դեմքն արատավորելու համար գործող ղեկավարությունն օգտագործում է մաֆիոզական մեթոդներ։ Սա վրդովմունք է առաջացնում։ Հիմա նրանք խուճապի մեջ են եւ փորձում են թաքցնել ամեն ինչ։ Նրանք պետք է հրաժարական ներկայացնեն»,- ասել է Լապորտան, որը մտադիր է դարձյալ առաջադրվել «Բարսելոնայի» նախագահի ընտրությունում։
«Բարսելոնայում» հաստատել են, որ օգտվել են I3 Ventures ընկերության ծառայությունից, սակայն հերքել են բացասական բնույթի հրապարակումների հետ որեւէ առնչություն ունենալը։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։