«Լացիոյի» նախագահ․ Մեզ խնդրում են ընդհատել «Յուվենտուսի» մենաշնորհը եւ հաղթել «Ինտերին»

14:14   18 փետրվարի, 2020

Հռոմի «Լացիոյի» նախագահ Կլաուդիո Լոտիտոն պատմել է Իտալիայի առաջնության 24-րդ տուրում Միլանի «Ինտերի» նկատմամբ 2։1 հաշվով հաղթանակից հետո ստացած բազմաթիվ զանգերի եւ աջակցության խոսքերի մասին։

«Խաղից հետո ինձ զանգել են ոչ միայն «Լացիոյի» երկրպագուները։ Իրականությունն այն է, որ մեզ խնդրում են ընդհատել «Յուվենտուսի» մենաշնորհը եւ հաղթել «Ինտերին»։ Այս երկու ակումբների երկրպագուներից բացի, բոլորն աջակցում են մեզ»,- Լոտիտոյի խոսքը մեջբերում է Il Messaggero-ն։

«Լացիոն» 56 միավորով բարձրացավ երկրորդ տեղ եւ 1 միավոր է հետ առաջատար «Յուվենտուսից»։ «Ինտերը» նահանջեց երրորդ տեղ՝ 54 միավոր։

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։