Յանգ. «Ինտերը» շարունակելու է պայքարել չեմպիոնության համար

00:52   18 փետրվարի, 2020

Միլանի «Ինտերի» անգլիացի պաշտպան Էշլի Յանգը մեկնաբանել է Իտալիայի առաջնության 24-րդ տուրում «Լացիոյից» 1:2 հաշվով կրած պարտությունը:

«Ես կցանկանայի չդառնալ գոլի հեղինակ, սակայն հաղթանակ տանել այս խաղում: Ցավում եմ, որ մենք կարևոր միավորներ կորցրեցինք:

«Ինտերը» շարունակելու է պայքարել չեմպիոնության համար: Վստահ եմ, որ մենք կարող ենք դառնալ Ա Սերիայի չեմպիոն»,- 34-ամյա ֆուտբոլիստի խոսքը փոխանցում է Sky Sport Italia-ն:

Նշենք, որ Իտալիայի առաջնության 24-րդ տուրից հետո «Լացիոն» 56 միավորով բարձրացավ երկրորդ տեղ եւ 1 միավոր է հետ առաջատար «Յուվենտուսից»։ «Ինտերը» նահանջեց երրորդ տեղ՝ 54 միավոր։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։