Պետք չէ սպասել, որ մեկ ֆուտբոլիստը հրաշքներ կգործի խաղադաշտում. Կոնտեն՝ Էրիկսենի մասին

Միլանի «Ինտերի» իտալացի գլխավոր մարզիչ Անտոնիո Կոնտեն Հռոմի «Լացիոյից» կրած 1։2 հաշվով պարտությունից հետո մեկնաբանել է թիմի դանիացի կիսապաշտպան Կրիստիան Էրիկսենի խաղը:

«Պետք չէ մտածել, որ մեկ ֆուտբոլիստը կարող է հրաշքներ գործել խաղադաշտում: Էրիկսենն իր հնարավորությունների առավելագույն չափով օգնեց թիմին, սակայն հաղթանակի համար մենք պետք է թիմային ֆուտբոլ ցուցադրենք:

«Ինտերի» երկրպագուները պետք է հանգստություն պահպանեն և չքննադատեն թիմի նորեկներին»,- Կոնտեի խոսքը փոխանցում է Football Italia-ն:

Նշենք, որ Իտալիայի առաջնության 24-րդ տուրից հետո «Լացիոն» 56 միավորով բարձրացավ երկրորդ տեղ եւ 1 միավոր է հետ առաջատար «Յուվենտուսից»։ «Ինտերը» նահանջեց երրորդ տեղ՝ 54 միավոր։