Իսպանիայի առաջնության 24-րդ տուրում չեմպիոն «Բարսելոնան» տանը 80 հազար 409 երկրպագուների ներկայությամբ մրցեց «Խետաֆեի» հետ։ Իսպանացի Էնրիկե Սետիենի գլխավորած թիմը հաղթանակ տարավ 2։1 հաշվով։
22-րդ րոպեին լուրջ վնասվածք ստացավ «Բարսելոնայի» իսպանացի պաշտպան Ժորդի Ալբան, որը փոխարինվեց։
33-րդ րոպեին հաշիվը բացեց կատալոնական թիմի ֆրանսիացի հարձակվող Անտուան Գրիզմանը, որին գոլային փոխանցում կատարեց արգենտինացի հարձակվող Լիոնել Մեսին։ 6 րոպե անց իսպանացի պաշտպան Սերխի Ռոբերտոն կրկնապատկեց դաշտի տերերի առավելությունը։
66-րդ րոպեին «Խետաֆեն» կարողացավ կրճատել հաշվի տարբերությունը։ «Բարսելոնայի» իսպանացի պաշտպան Ժերար Պիկեի սխալից հետո գերմանացի Մարկ-Անդրե տեր Շտեգենի պաշտպանած դարպասը գրավեց իսպանացի հարձակվող Ռոդրիգես Անխելը։
«Բարսելոնան» 52 միավորով հավասարվեց առաջատար «Ռեալին», որն այս տուրում փետրվարի 16-ին կընդունի «Սելտային»։ «Խետաֆեն» 42 միավորով երրորդ տեղում է։
Իսպանիայի առաջնություն, 24-րդ տուր
«Բարսելոնա» - «Խետաֆե»՝ 2։1 (տեսանյութ)
Անտուան Գրիզման, 33, Սերխի Ռոբերտո, 39 - Ռոդրիգես Անխել, 66
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։