Գերմանիայի առաջնության 22-րդ տուրում «Բորուսիան» Դորտմունդի «Սիգնալ Իդունա Պարկ» ստադիոնում մրցեց Ֆրանկֆուրտի «Այնտրախտի» հետ: Լյուսիեն Ֆավրի գլխավորած թիմը 4:0 հաշվով վստահ հաղթանակ տարավ:
33-րդ րոպեին խաղի հաշիվը բացեց լեհ պաշտպան Լուկաս Պիշչեկը: 49-րդ րոպեին անգլիացի կիսապաշտպան Ջեյդոն Սանչոն կրկնապատկեց իր թիմի առավելությունը: 54-րդ րոպեին նորվեգացի հարձակվող Էրլինգ Հոլանդը խփեց «Բորուսիայի» երրորդ գոլը, իսկ 74-րդ րոպեին պորտուգալացի պաշտպան Ռաֆայել Գերեյրուն ամրագրեց վերջնական հաշիվը՝ 4:0:
Այժմ «Բորուսիան» ունի 42 միավոր և մրցաշարային աղյուսակի երկրորդ տեղում է: Առաջատարը «Բավարիան» է 43 միավորով, սակայն մյունխենյան թիմը 1 հանդիպում պակաս է անցկացրել «Բորուսիայից»:
Գերմանիայի առաջնություն, 22-րդ տուր
«Բորուսիա» - «Այնտրախտ»՝ 4:0
Լուկաս Պիշչեկ, 33, Ջեյդոն Սանչո, 49, Էրլինգ Հոլանդ, 54, Ռաֆայել Գերեյրու, 74
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։