«Մանչեսթեր Սիթին» կբողոքարկի ՈւԵՖԱ-ի որոշումը

09:51   15 փետրվարի, 2020

Անգլիական «Մանչեսթեր Սիթիի» ղեկավարությունը համաձայն չէ ՈւԵՖԱ-ի կողմից ակումբի նկատմամբ կիրառված պատժամիջոցներին և առաջիկա օրերին կդիմի դատարան, հայտնում է մանչեսթերյան ակումբի մամուլի ծառայությունը:

««Մանչեսթեր Սիթին» հիասթափված է ՈւԵՖԱ-ի որոշումից: Ակումբը խստագույնս պահպանել է օրենքի բոլոր պահանջները և որևէ խախտում թույլ չի տվել ֆինանսական գործարքներում: Մենք առաջիկայում կդիմենք դատարան՝ պատժամիջոցները չեղարկելու պահանջով»,- ասված է «Մանչեսթեր Սիթիի» տարածած հայտարարության մեջ:

Հիշեցնենք, որ փետրվարի 14-ին ՈւԵՖԱ-ն հայտարարեց ֆինանսական արդար խաղի կանոնները խախտելու պատճառով առաջիկա 2 մրցաշրջաններում «Մանչեսթեր Սիթիին» Չեմպիոնների լիգային մասնակցելու հնարավորությունից զրկելու մասին: «Մանչեսթեր Սիթին» նաև տուգանվել է 30 միլիոն եվրոյով:

ՈւԵՖԱ-ն պարզել է, որ «Մանչեսթեր Սիթին» ակումբի սեփականատեր, շեյխ Մանսուր բին Զայեդ Ալ Նահյանի անձնական հաշիվներից դուրս գրվող գումարները ներկայացրել է որպես հովանավորչական պայմանագրերից ստացվող եկամուտ և օգտագործել դրանք նոր ֆուտբոլիստներ ձեռք բերելու նպատակով:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։