ՈւԵՖԱ-ն «Մանչեսթեր Սիթիին» 2 տարով հեռացրել է Չեմպիոնների լիգայից
22:40 14 փետրվարի, 2020ՈւԵՖԱ-ն խիստ պատժամիջոցներ է կիրառել Անգլիայի չեմպիոն «Մանչեսթեր Սիթիի» նկատմամբ, տեղեկացնում է The Telegraph-ը:
«Մանչեսթեր Սիթին» ֆինանսական արդար խաղի կանոնները խախտելու համար առաջիկա 2 մրցաշրջաններում չի կարողանա մասնակցել Չեմպիոնների լիգային: Մանչեսթերյան ակումբը նաև 30 միլիոն եվրո տուգանք կվճարի ՈւԵՖԱ-ին:
ՈւԵՖԱ-ն պարզել է, որ «Մանչեսթեր Սիթին» ակումբի սեփականատեր, շեյխ Մանսուր բին Զայեդ Ալ Նահյանի անձնական հաշիվներից դուրս գրվող գումարները ներկայացրել է որպես հովանավորչական պայմանագրերից ստացվող եկամուտ և օգտագործել դրանք նոր ֆուտբոլիստներ ձեռք բերելու նպատակով:
Ավելի վաղ Եվրոպայի առաջատար առաջնությունները ներկայացնող բազմաթիվ ակումբների ղեկավարներ կոչ էին արել ՈւԵՖԱ-ի նախագահ Ալեքսանդր Չեֆերինին ստուգել «Մանչեսթեր Սիթիի» ներկայացրած ֆինանսական փաստաթղթերը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։